Popular Bible Verses from Roma Uram 11

Share

Nun Nai bira utotoa nirya asi kiknina deyoknyi kurur. Tonda, nun Nai mikib biriman aryi im ton tukwe ton nirya tuba kurur. Tonda, nun Nai si weik ena ati utotoa nirya kurur. Ati, nunci tanglona kum uca nun Nai si weik ena teleb. Amin.

Nai e, nun Nai Imtamnyi bira langdeiboka bikdob dinyi tenen kunururnyi kurur. Nun Nai biryi bingna dinyi ara iya erebdobtoto kurur. Nun Nai biryi teleb tenerur to ara ninyi kanya aryi ingkirikoka bikdobman kum. Nun Nai biryi kunurur dinyi ababyi ilila weik kurur ati, ninyi aryi diboka bikdobman kum kurur.

Ninyi tentok ababyi Er Imtamnyi tenen kanya bingdur do? Ato tenen kum. Ninyi tentok ababyi Er Imtamnyi bisi, “Ato-ato kubdum,” erur do? Ato tenen kum. (Yesaya 40:13)

Ura, ukuryok ababyi neiktoto sun Israel yala nang kankan aryi ninyi yana yubwa aryi Er Imtamnyi biryi lemsina uram dib kum tenenung cok, ton nang aryi Er Imtamnyi Uram dib tuba tenenub. A nang ara nun Nai Imtamnyi biryi, “Ni mabwe nermabwe,” tenen wibdeibsou uca, lotongminingna nang ato kuboka Er Imtamnyi bisi tuba milinub. Er Imtamnyi biryi ninyi wimdeirisurur ara nunci teleb dinyi kunuramibyi deici aryi wimdeirisur do? Ato tenen kum. Eda, nun Nai biryi, “Ni mabwe nermabwe,” tenesurur deici aryi muna wimdeirisurur. Nun teleb dinyi kunuramibyi deici aryi wibdeibsute uca, Erci, “Ni mabwe nermabwe,” tenena deici aryi muna kum wibdeibsute.

Ura, ukuryok ara Er Imtamnyi biryi Israel yala nang ilinto asi dokdonokmar. Ara, nun Nai biryi zaitun co te mikbaryi bulakeiboka sekmouci, bai donokmar. Zaitun co te diba ati ato kum ebman. Eda, sun Israel yala nang ati kebdeiboka ato ebman. Ura, sunda yuk yala nang Er Imtamnyi Uram walwal kurandau nang ara teleb co zaitun co te kum kurandau. Eda, bai kurande malyi co aryi kuboka co te ato kurandau. Ato kurandau bok, Er Imtamnyi biryi sunsi touboka teleb co zaitun co nong deyok dam asi makdongobmasir. Zaitun co te yuk co te kankan aryi makdongobmasir uca, zaitun co deyok tam aryi kuboka teleb co yung biriman aryi du mourdeiriransir. Ura, sunci sun damnyi erebdandoka, “Nunda diboka teleb co te ato kunub,” ebmunyei. Tonda, sunci sun Israel yala nang ati, “Co te bulakeiboka bai donokmar,” tenen ina ngilikmunyei. Sun Israel yala nang ara Er Imtamnyi biryi kisal dangsin dinyi sunsi likniboka kareransing deyok aryi, co nong ato nang kunung. Ba, sunda yuk yala nang ara Er Imtamnyi biryi kisal dangsin dinyi likniboka dororandum ati, co te ato nang kurandum. Ati, sunda co te ato nang aryi co nong ato kun nang ati malyi ebmunyei. Co te ara co deyok borande do? Ato tenen kum. Eda, co deyok ab co nong ab ara co te asi borande.