Roma Uram 11:5-6

Ura, ukuryok ababyi neiktoto sun Israel yala nang kankan aryi ninyi yana yubwa aryi Er Imtamnyi biryi lemsina uram dib kum tenenung cok, ton nang aryi Er Imtamnyi Uram dib tuba tenenub. A nang ara nun Nai Imtamnyi biryi, “Ni mabwe nermabwe,” tenen wibdeibsou uca, lotongminingna nang ato kuboka Er Imtamnyi bisi tuba milinub. Er Imtamnyi biryi ninyi wimdeirisurur ara nunci teleb dinyi kunuramibyi deici aryi wimdeirisur do? Ato tenen kum. Eda, nun Nai biryi, “Ni mabwe nermabwe,” tenesurur deici aryi muna wimdeirisurur. Nun teleb dinyi kunuramibyi deici aryi wibdeibsute uca, Erci, “Ni mabwe nermabwe,” tenena deici aryi muna kum wibdeibsute.