Popular Bible Verses from Palonga 3

Share

Oto omu ke oonisae mwaanie mo oorahaꞌaanga iꞌomu, na omu ke lulu i sulie a God hunie ingeie ke si saeꞌaasiꞌi mwaaniꞌomu.

Taꞌe a Pita e teꞌuri mola hunie, “Nou kaꞌa toꞌo aana ike nga mei toꞌoha, taꞌe ngaeta mei ola mola nou toꞌo aana huni niie namue. No ko unue huniꞌo aana satana a Jisas Kraes ni Nasaret—Taꞌelaꞌi na o ke lae hailiu oto.”

Oto a Pita e hele aana ninime i pwalo-pwalona, ko si taꞌea i lengi. Na oto mola aana kele maholoi satona, e ro aeꞌaena a mwaena ko tolana aꞌailaꞌa oto. Oto e pola i lengi, na ko uure oto aana e ro aeꞌaena, na ko lae hailiu oto. Ko lae oto peꞌie a Pita na Jon taꞌau i laona Nume Maaꞌi Peine, na ko lae peꞌie polanga hailiu oto na peꞌi paalahelana God.

Na nanamanga aana satana Jisas oto e haꞌa-uurie mwane ienini nge omu ko meni lee-leesie e tewa oto na omu meni saie. Na aena aana mei hiiwalaimolinge aana a Jisas ngeena, nge haꞌa-uurilana mwane ienini e lae aana oto mala omu ko leesie.