Popular Bible Verses from Palonga 2

Share

Oto a Pita e aalamire ko teꞌuri, “Ahutemiu mango, omu ke oonisae mwaanie mo oorahaꞌaanga iꞌomu na omu ke loto maaꞌi aana satana a Jisas Kraes hunie a God ke si saeꞌaasie mo oorahaꞌaanga iꞌomu na ke niie mai Liꞌoa Maaꞌi huniꞌomu.

Oto kire niie maraada hunie mo hurulaꞌaa ke haꞌa-uusulire, na kire mani neꞌie taꞌa-taꞌa mei sae peꞌie kira tei kire hiiwalaimoli aana a Jisas. Kire ko ngeu-ngeu ni lokonga aani aamasitoꞌonga aana maelana Kraes, na kire ko iiꞌo oto mola peꞌie aarengaꞌinge.

Na ahutada kire ko meni honu oto aana Liꞌoa Maaꞌi, na kire ko aehota ere oto aana mo erenga hai aaopaꞌi i sulie mo erenga nge Liꞌoa Maaꞌi e niiꞌi mei hunire huni ere aani.

Kire si aparaꞌi na kou-kouhaꞌana ola e rongo mala painehaꞌana mawasi dengi ko lae oto mai uure taꞌau i Lengi na ko haꞌahonue oto nume paine kire ruru i laona. Na aana maholona kire ko leesie mo ola mala mo mela-melahai dunge ko eeso, na kire oopa hailiu na kire ko meni oa aada oto. Na ahutada kire ko meni honu oto aana Liꞌoa Maaꞌi, na kire ko aehota ere oto aana mo erenga hai aaopaꞌi i sulie mo erenga nge Liꞌoa Maaꞌi e niiꞌi mei hunire huni ere aani.

Kire ko loko tarau mola i suli dinge i laona Nume Maaꞌi Peine a God i Jerusalem. Na kire ko ngeu-ngeu tararuru i laona mo nume hai aaopaꞌi ikire, na kire sai ilenimwaꞌe tararuru aani peꞌilada hailiu mola aana mo ngeulaa ikire. Na kire ko lahea God mola tarau, oto mwala ko tohungei neꞌisae paine aada. Na i suli hei dinge a Aalaha ko haꞌa-uurie loꞌu mo iini hunge mwaanie mo oorahaꞌaa ikire, na ko sapeire loꞌu mei i laona pulitaa ikire ngeena.

A God e teꞌuri, ‘Aana mo dinge karaꞌinie haꞌamangolana walumalau ienini, ne kei lingisie mai Liꞌoa ineu haahie ahutana mwala. Na mo kalemiu mwane na mo kalemiu keni, kire kei meni houleꞌinie walaku. Na ne kei niie mo haataꞌinge hunie mo saanau iꞌomu, na ne kei niie mo maꞌahu-polenga hunie mo repo iꞌomu.

Ahutana mo iini nge kire hiiwalaimoli aana a Jisas, kire iiꞌo mola peꞌie lokonga tararuru, na kire ko peꞌire hailiu aana toꞌo-toꞌolada. Na kire ko haꞌa-haꞌaholingeꞌinie toꞌo-toꞌolada, na kire ko nii-niie mo toꞌoha aani hunie ngaeta mo iini aada nge kire maitale.

Na taꞌena nga iini ko aarengaꞌi aana satana Aalaha, nge ne ke si haꞌa-uurie.’

Na sato kei neꞌi rodohono oto, na waro-waro kei nonoroꞌa mala apu. Oto purihaꞌana, nge hai dinge paine Aalaha ke si hule. Na hai dinge ngeena e roroꞌa oto liutaa na e manikuluꞌe.