Popular Bible Verses from Hebreos 10

Share

La chrókuíto̱ehyani chrókónkotséni la chrókuankíehyani éxi ti sin tóchjinahña. Náhí. Ticháxi̱n a̱ntsí chrókóchéhe̱ni chrókjuinchexraxinkaoni kíchóni kixin ó noheni kixin í séhya tsokjan Ìnchéni.

La ko kja̱xin chrókjueyáni nkexrín chrókjuinki̱tsani kíchóni kixin chaxín chrótjue̱hé sin kícho sin la chrókjuénka̱yáxin sin ti nkehe jína.

La chrókuíto̱ehyani chrókꞌuejóchóheni ti nkehe tinkáchónkini kixin Díos la chaxín sinchexiteyá ti nkehe tsíndáchro chꞌan.

Kja̱xin jahara ticháxi̱n chrókꞌuejochohénra chrókónínkákonhñara, kjónté ichrén nkehe chrókóhanra, kixin si̱nchexiteyára ti nkehe tjinkaon Díos, kixin ndá xi̱kaha chrókꞌuayéhéra ti nkehe tsíndáchro chꞌan.

*Méxra̱ ticháxi̱n chrókóchjineheni Díos kaín a̱séni chrókuinkáchónkini chꞌan, kixin jehe chꞌan tsíkjinchetjóá chꞌan a̱séni kixin ti nkehe nduáhya kꞌuekjenka̱yáxini mé éxi ìnta̱ tjóá kꞌuíjmáxini.

Chrokui̱to̱éhyara ti nkehe tinkachónkira kixin ó nohara kixin ndá xi̱kaha tsꞌayéhéra ti nkehe tsjajon Díos chrꞌéxi̱n.

A̱ndá ti na̱xa̱ tjenka̱yáxini chrókjuasini ijie̱ ti ó noheni ti nkehe chaxín, la kohya íjnko nkexro chrókjuenka̱yákohe̱n ti jeheni kixin chrókótjuáxin ti iji̱éni. *Mé jehó itjen ti kjuachrakon ijié tsito̱exín ijie̱ la ko ti xrohi síchrꞌákjen tsꞌitjáñaxín ti sin nínkakohen Díos.