Popular Bible Verses from San Marcos 13

Share

Chujni nguixin nunthe runingakuꞌan ra na̱ ixin jaꞌan. Aro thi tsixiꞌin ko xruꞌin nchaꞌon tsinthuꞌe thi jaꞌan kjuagua, chujni jiꞌi thi rukjan inaa chujni narua.

’Mexinxin jaꞌa ra tsjeꞌe ra jian are sikuꞌen kain jiꞌi ixin nuaꞌa ra keꞌe hora tsii Nchaa ra.

Ko are tsiaxiꞌan ra na̱ ko sinthachiaꞌan ra na̱ ngain ni ncheꞌe jie̱, taꞌa ra juachjaon ixin keꞌe rundachro ra o kexreen runichja ra, jeꞌo nichja ra thi Ndo Dio rundathjo ra. Ixin jeꞌa jaꞌa ra thi runichja ra, Espíritu Santo, mee thi runichja ixin jaꞌa ra.

Maski ngajni ko nunthe ndasitjaan, aro thi jaꞌan ndachrjan jaan sikuꞌen.

’Aro xruꞌin kensen nuꞌe nchaꞌon ko hora are sikuꞌen jiꞌi, ko xruꞌin ángel nuꞌe ko kai jaꞌan, thi Xeꞌen Ndo Dio, nunaꞌa. Jeꞌo Ndo Dio, Ndudaa ná, thi nuꞌe.

’Ko are jaꞌa ra tsiꞌin ra ixin anto duen choo chujni ngain nunthe, ko tsiꞌin ra ixin suen choo na̱ ngain ikanxin rajna, aro xraonꞌa ra ixin jiꞌi rugunda tsuꞌen, aro xra jeꞌa nchaꞌon are ndatsjexin nunthe.

Mexinxin tsjeꞌe ra jian, ixin nuaꞌa ra kesa tsii nchee nchia mee, ¿atsii xa are utsukjin, o atsii xa are uthie, o tsii xa are xra nduuyo o tsii xa are ujidingasaan? O rukinbeꞌo xa are jaꞌa ra techuenꞌa ra xa ko sithja ra xa tatechrin ra. Thi ndathjo ra jiꞌi jeoꞌa jaꞌa ra tendathjo ra, jiꞌi ndachrjan ixin kainxin chujni: ¡Tsjeꞌe ra jian are sikuꞌen kain jiꞌi!

Ixin chujni naa nunthe siguen chujni ngain inaa nunthe, ko thi thetuꞌan siguen inaa thi thetuꞌan ngain inaa nunthe. Ko ngain tsjé nunthe suji tsingi nunthe ko anto seꞌe jintha, ko kain yaa tsuꞌen ko nandaa tsexinxin thi anto tangi tsuꞌen chujni.

Aro saꞌo rugunda ruxraago thi jian juajnee Ndo Dio ngain nguixin nunthe.

Ixin anto tsjé thi tsii ko rundachro ixin chunda juachaxinna ko rundachro: “Jaꞌan thi Cristo na”, ko tsjé chujni sincheyeꞌe.

’Aro tsjeꞌe ra ixin xruꞌin tsuꞌan ra, ixin chujni sajon ra na̱ ixin sinthaꞌa ra na̱ jie̱ ko anto sintja ra na̱ ngain niꞌngo ixin dithikaon ni ra jaꞌan, ko chujni sajon ra na̱ ngain ni thetuꞌan nunthe ko ngain ni rey ixin jañaa nchao runichja ra ngain na̱ ixin jaꞌan.

Ixin are mee tsununxin tsjé thi rundachro ixin jeꞌe thi Cristo ko tsjé thi rundachro ixin jeꞌe thi dayée juajnee Ndo Dio, aro nduaꞌa. Ko sincheꞌe na̱ tsjé thi chrjuin dikon ni ko tsjé thi xra naꞌa dikunxin ni, ko ja̱ nchao kai sincheyeꞌe na̱ chujni ukuinchieꞌe Ndo Dio.

’Ko are tsjexin satho kain thi nchaꞌon anto tangi mee, kuthimejan nchaꞌon isinchengasanꞌa nchaon ko kunithjao isinchengasanꞌa ba. Kunutse singuxin ba ngajni ko kainxin thi jii ngajni ruxranga.