Popular Bible Verses from Gálatas 6

Share

Mexinxin jaꞌan ná tsunchrjenꞌa ná sinthoꞌo ná thi jian ixin tsii nchaꞌon satse ná thi jian jikininxin ná, ja̱ tsinthueꞌa ná thi jian tenthoꞌo ná.

Mexinxin are nchao tsjengijna ná chujni, tsjengijna ná na̱, aro icha tsjengijna ná kain ni choo ná, ni dithikaon Jesucristo.

Thjengijna choo ra are tedathueꞌe ra tangi, ko jañaa sincheꞌe ra thi thetuꞌan Cristo.

Ncheyeꞌa ansean ra ixin thi nduaꞌa: xruꞌin chujni nchao tsjanua Ndo Dio ixin thi jeꞌe ni thenga ni, mee satse ni.

Thi chujni thenga jeꞌo thi nchexruxiꞌin nthauꞌe ixin thi kuiakueꞌen nthauꞌe, satse thi ndadeꞌen ni ngathexin kon Ndo Dio. Aro thi chujni ncheꞌe thi rinao Espíritu Santo, ni mee satse thi sechon ni kainxin nchaꞌon ngain Ndo Dio.

Jaꞌa ra xro choo ná ixin dithikaon ra Jesucristo, ja̱ tsiꞌin ra ixin chrujan xan choo ná bincheꞌe thi jianꞌa, jaꞌa ra, xro ncheꞌe ra thi thetuꞌan Espíritu Santo, thjengijna ra xan ko chrjuin nichjeꞌe ra xan ixin isincheꞌa xan thi jianꞌa. Ko tsjeꞌe ra jian runcheꞌe ra thi jianꞌa kai.

Ko are naa chujni tunuꞌe ixin anto renthe, aro ndua rentheꞌa, chujni jiꞌi, jeꞌo jincheyeꞌe anseen. Icha jian rutsjeꞌe ni nanaa ni a jian thi tencheꞌe ni. Ja̱ jian tencheꞌe ni, chrjuin tsunuꞌe ngain anseen ni, aro tuyaiꞌa ngain thi jincheꞌe inaa chujni. Ko thi jikininxin sinthoꞌo ná, jaꞌon ná sinthoꞌo ná.