Popular Bible Verses from 1 Timoteo 6

Share

Jaꞌa thixiꞌan kain thi tangi ixin dithikaon Jesucristo, ko xruꞌin nchaꞌon tjañaꞌa ixin jaꞌa kjan inaa chujni narua. Ko Ndo Dio chjaa juachaxin biꞌin xeꞌen ndo, ko xraxaon are ndachro ngathexin kon tsjé chujni ixin jaꞌa dithikaon Ndo Dio.

Ko thi anto thjueꞌe na̱ tumi, yaa thexinxin thi jianꞌa; ko te kanxion chujni icha kuiakueꞌen na̱ tumi ko ndatjañeꞌe na̱ juajnee Jesucristo, ko mexinxin jai anto tangi tedathuꞌe na̱.

Ko ndua ixin dithikaon ni Jesucristo tsjé dacha ni, aro jeꞌo ja̱ ruchee ni ixin thi uchunda ni

ixin jaꞌan ná xruꞌin bikoo ná ngataꞌa nunthe ko nduaxin xruꞌin tsjiꞌo ná are ndaseꞌen ná.

Ko kain chujni jichunda tsjé tumi, jaꞌa thetuꞌen na̱ ixin tsainꞌa ñao na̱ ko ruchunthiaꞌa na̱ tumii na̱; icha jian ruchunthia na̱ Ndo Dio, ndo jichon ixin jeꞌo ndo chjaa ná ndo kainxin thi nduaxin rugundaa ná.

Aro thi chujni rinao ruchunda icha tsje tumi, detsingaa na̱ raa nchiijin, ko dayée na̱ juaxraxauen thi jianꞌa ko rujinao na̱ rugechunda icha, ko ixin thi jianꞌa mee tangi tuꞌen na̱ ko ndanchetjaan na̱ kain thi jichunda na̱.

Ko thetuꞌen na̱ sincheꞌe na̱ thi jian, ko jañaa icha jian sinthe na̱ ngathexin kon Ndo Dio, ko tsangi na̱ sajon na̱ thi chunda na̱. Ixin jañaa icha tsjé ruchunda na̱ ngain Ndo Dio, ko icha chrjuin tsunuꞌe na̱ ixin rukjan na̱ inaa chujni narua ko xruꞌin nchaꞌon tsjexin.