Popular Bible Verses from 1 Pedro 3

Share

Icha jian nchesayeꞌe ra Cristo ngain ansean ra ixin jeꞌe Nchaa ná, ko kain nchaꞌon tunuꞌa ra jian keꞌe satheꞌe ra ngain kain chujni sanchangiꞌa ra ko chrjuin datheꞌe ra na̱ ko duñaunkuaꞌa ra ngain na̱, are sanchiangiꞌa ra unda chunthia ra Cristo. Ko jañaa ncheꞌe ra thi jian ko tunuꞌa ra chrjuin ngain ansean ra ixin jamee kain chujni nichja jianꞌa ixin jaꞌa ra xro chunthia ra Cristo, jeꞌo na̱ tsusuee na̱ ixin thi jeꞌe na̱ nichja na̱.

Ixin Nchaa ná tsjeꞌe ko jinda chujni ncheꞌe jian ko jeꞌe thiꞌin are nichjee na̱, aro kain thi chujni ncheꞌe jianꞌa, Nchaa ná tuñao ngain na̱.

Ko thi chrjuinxin te ra, sikonꞌa ni jeꞌo ngama ra ixin dinchejijin jaa ra anto najni, o ixin tethia ra chia oro o ixin tengaꞌa ra luntho anto renthe. Icha jian thi chrjuin te ra mee thi chrjuin juaxraxaon seꞌe ngain ansean ra ko xruꞌin nchaꞌon tsjexin. Ko mee ruchro ixin jaꞌa ra naa nchrii chrjuin nuꞌe ko jian ncheꞌe nchra, ko jiꞌi anto renthe ngathexin kon Ndo Dio.

Ixin ngain Xruen Ndo Dio ndachro: Thi chujni ngain anseen dachrjexin ixin rinao seꞌe jian ko sikon chrjuin sathuꞌe kain nchaꞌon tsii, rugunda tsangi runichjakuaꞌa thi jianꞌa, ko runichjaꞌa thi jeꞌa ndua. Rugunda isincheꞌa thi jianꞌa ko sincheꞌe jeꞌo thi jian; ko tsjee kexreen tsunuꞌe chrjuin ngain anseen, ko jamee sincheꞌe kainxin nchaꞌon.

Ko rugunda xrajeꞌo juaxraxaon ruchunda ra kain ra, ko thiakunueꞌe choo ra, ko thjueꞌe choo ra xraa nakua ndudaꞌa ruchunda ra. Thjengijna ra chujni ko jian dakjiꞌo ra na̱. Thjengexinꞌa ra thi jianꞌa ncheꞌe chujni ngajin ra, kai thjengexinꞌa ra thi jianꞌa nichja na̱ ngajin ra. Icha jian danchieꞌe ra Ndo Dio sinchenchaon na̱ ixin jeꞌe ndo kuinchiaꞌa ra ndo ixin sinthanchaon ra ndo.

¿Kensen sincheꞌe jianꞌa ngajin ra, ja̱ kainxin nchaꞌon sincheꞌe ra thi jian?

Rugunda isincheꞌa thi jianꞌa ko sincheꞌe jeꞌo thi jian; ko tsjee kexreen tsunuꞌe chrjuin ngain anseen, ko jamee sincheꞌe kainxin nchaꞌon.

Icha jian dathuꞌe ra thi tangi ixin tencheꞌe ra thi jian, ja̱ Ndo Dio jañaa dajon ndo juachaxin, ke tedathuꞌe ra thi tangi ixin tencheꞌe ra thi jianꞌa.