Popular Bible Verses from Miyambo 19

Share

Munthu amakonzekera zambiri mu mtima mwake, koma cholinga cha Yehova ndiye chidzachitike.

Amene amakomera mtima osauka amachita ngati wakongoletsa Yehova, ndipo Yehovayo ndiye adzamubwezere.

Nzeru zimapangitsa munthu kukhala wosakwiya msanga; ulemerero wake uli posalabadira kuchitiridwa zoyipa.

Mvera uphungu ndipo landira malangizo; pa mapeto pake udzakhala wanzeru.

Kuopa Yehova kumabweretsa moyo; wotereyo amakhala mu mtendere; ndiye kuti choyipa sichidzamugwera.

Iye amene amapeza nzeru ndiye kuti amakonda moyo wake. Wosamalitsa kukhala wanzeru, zinthu zimamuyendera bwino.

Langa mwana wako, chiyembekezo chikanalipo; ngati sutero udzawononga moyo wake.

Mboni yonama sidzalephera kulangidwa, ndipo iye amene amanena mabodza adzawonongeka.