Popular Bible Verses from Aba Efeso 4

Share

Loli mubanje mwe bachisa, sona na bololo na bantu abanji. Muhobokelanaye ukuyana namumo u Chala akabahobokela ukwendela mwa Kilisitu.

Akabalilo kosi mubanje mwe bakwiyisya, sona bololo. Mubanje mwe bafisalyoyo nukwivwana mulughano.

Mumalomo ghinyu mutakafumaye ineno imbibi, loli mufumaye amazyu amiza ghene aghakubazenga abanji ukuyana ni vyakusobelwa vyabo, ukuti ghabanje ghakubavwa babo bakughateghelezya.

Mwefezye zila ulubengo mumwinyu nu bukali, sona nukukalala. Kutakabeko sona ivyongo pamo iyebo, sona nukwinong'onelana ivibibi.

Nanti wakalala, utakawilaye mumbibi, sona utakakalalaye mupaka izuba lyinjile. Utakamupe u Satana ulusako.

Polelo mubuvule ubuntu bwinyu ubwakale bubo bukayana nubumi bwinyu ubukali bula, sona bubo bwananganika pachifukwa icha vinyonywa vyache ivyabumyasi. Amoyo ghinyu ni nyinong'ono zyinyu vyipelaye pakuba vipya, sona muvwale ubuntu ubupya bubo u Chala akabupela muchifwani chache pakuba bugholosu, sona buzelu.

Muyezyanje nkani pakusunga ubupoka bwinyu bubo bukufuma kwa Muzimu Umuzelu ukwendela mumutende, ghugho ghukubapinyannya poka.

Akaba weyuyo akabapa abantu ivyabupi ivyakuti bamo babanje batumiwa, abanji babanje balaghuzi, abanji babanje balumbilili, abanji babanje baputi, sona abanji babanje bamanyisi. Imbombo iya bantu banaba yakuti babayanizye zila abantu aba Chala ukuti babombaye imbombo iyakuchizenga ichipanga, chicho mubili uwa Kilisitu mupaka ukuti pabumalilo twebosi tukafike kubupoka mulwitiko, sona nukumumanya u Mwana uwa Chala. Po tukwiza pakukula naloli mubuzimu nukufika pabukuzi ubwa Kilisitu.

Po tutakwiza pakuba sona ngati bo babonda, babo bakuyinganayingana na mayigha, sona nukupupuka ni mpepo iya chimanyisyo icha bantu abamyasi, babo bakubapuvya abantu nu buchevu bwabo. Loli pakunena ubwanaloli mulughano, tubaghiye pakukulila mwa Kilisitu muvintu vyosi, yuyo mutu.