Popular Bible Verses from Aba Efeso 2

Share

Pakuti twe vimatiwa ivya Chala, yuyo akatupela ukwendela mwa Kilisitu u Yesu ukuti tubombe imbombo inyiza zizyo akatuyanizya zila ukuti tuzibombaye.

U Chala akabapoka muchisa chache ukwendela mu lwitiko lwinyu. Ichi chite chifukwa icha kwiyula kwinyu, loli chabupi icha Chala. Umuntu atakupokiwa pachifukwa icha mbombo zyache, umwakuti atakabepo nayumo umuntu uwakwituvya.

Loli u Chala, yuyo wachisa nkani, akatughana nu lughano lwache lulo lukulu nkani, napapo tukaba twe bantu abafwe pachifukwa icha kunyongana kwitu, akatupa ubumi mwa Kilisitu. U Chala akabapoka ukwendela muchisa chache.

U Chala akatuzyusya aswe kubufwe poka nu Kilisitu u Yesu nukutwikazya poka nawe kubuzilo ubwa kumwanya

Polelo mute sona bayeni pamo basamile, awe. Loli mwe benekaya poka na bantu abazelu aba Chala, sona mwe ba mu Nyumba iya Chala. Namwe bulo muzengiwe palwalo lulo lukaliwa na batumiwa na balaghuzi. U Kilisitu u Yesu umwenecho we libwe ilya pankuto.