Popular Bible Verses from Mátiyu 4

Share

Jisọsu sụ iya: “E deru iya ede l'ẹkwo Okfu Chileke sụ: ‘Ọ tọ bụdu nri kpụ bẹ bụ iwhe madzụ l'egudeje nọdu ndzụ. Iwhe madzụ l'e-gude nọdu ndzụ bụ iwhe bụ-zhia okfu, shi Chileke l'ọnu.’ ”

Ọo ya bụ, Jisọsu sụ iya: “Gbeshi l'ẹka ono Sétanu; l'e deru iya ede l'ẹkwo Okfu Chileke sụ: ‘Ọo Onye-Nwe-Ọha, bụ Chileke ghu bẹ bụ onye l'ịi-barụ ẹja, ọ bụkwaru iya whọ kpụ bụ onye l'ịi-nọ ejeru ozhi.’ ”

Jisọsu sụkwa iya whọ: “Obenu l'e dekwaru iya who l'ẹkwo Okfu Chileke sụ: ‘Be ejekwa ọdata Onye-Nwe-Ọha, bụ Chileke ghu.’ ”

Ọo ya bụ, Ume Chileke bya eduta Jisọsu duba l'echi-ẹgu tẹ Oshifutuswe data iya. O rwua ẹka ono je anọo ụkporo abalị ugbo labọ, eswe l'ẹnyashi, swịkota ẹgu. E megelewho ẹgu gụlahaa ya.

Jisọsu sụ whẹ: “Unu bya etsoru mu tẹ mu mee unu ndu l'e-rwutaje madzụ gẹ l'eerwutaje ẹma.” O bebelewho ekfutsuta iya, whẹ hakọta ụgbu, whẹ gude egbu ẹma tsolahaa ya.

O noo ya, ọ bụru nteke ono bẹ Jisọsu shilewho wata anọ arya ozhi-ọma ono shi l'ẹka Chileke aryarya sụ: “Unu daa onwunu ụta haa ome iwhe-dụ-ẹji, unu l'emegbabe lwakfuta Chileke; o noo lẹ nteke Chileke bya l'e-goshi l'ọo ya bụ eze bẹ tẹekwaru l'ụkfu.”