Popular Bible Verses from Mátiyu 21

Share

Ọo ya bụ, l'iwhe lile unu gude jekfu Chileke, je ekfuru iya sụ iya t'ọ nụ unu, unu kweta l'ọo-nụ unu iwhe ono, bẹ l'ọo-nụkwa iya unu.”

Jisọsu sụ whẹ: “Iwhe mu l'emelewho tẹ mu kfuru unu bụ: ọ -bụru l'unu kwezhiwaru ekwekwe, unu ta abọ obu ẹbo; ọ tọ bụlekwaa iwhe mu meru oshi figu-a bẹ unu l'a-dụ ike mee nwẹkiya, ọ tọ dụkwa m'e -beru m'ọo unu sụ ugvu-a: ‘Wholia onwoghu je echee l'eze-ẹnyimu, ya emelekwaa l'olu unu.’

Igweligwe ndu ọwhu nọ iya l'ụzo iwhu mẹe ndu ọwhu l'awụ etso iya l'azụ tụko atụkaa orooroo asụje: “Ndo-o! Ndo-o! Nwa Dévidi! Onye Chileke gọru ọnu-ọma nụ b'ọ bụ mbụ onye ono, Onye-Nwe-Ọha zhiru t'ọ bya. Ndo-o! Ndo-o! Ọkalibe-Kangokotaru-Nu, bu l'imigwe!”

Ọ sụ whẹ: “E deru iya l'ẹkwo Okfu Chileke lẹ Chileke sụru: ‘Ụlo mu bẹ l'ee-kuje ụlo, l'aanọduje ekfu anụ mu.’ Ọle unubẹdua gbẹenu wotawa iya mebe ụlo ẹka ndu l'ana nfụ l'edomije onwowhe.”

“Unu kfuru obodo Záyọnu t'o lee: L'onye bụ Eze iya l'abyakfutaakwa iya. O wozeru onwiya alị, nokoru l'eli nkakfụ-ịgara eje abya, mbụ l'ọo l'eli ọwhube nwa nkakfụ-ịgara ono b'ọ nọ.”

Jisọsu sụ whẹ: “?Unu tẹke agụbudua iwhe ono, e deru l'ẹkwo Okfu Chileke sụ: “ ‘Ọo ẹwhuru ono gẹdegede, ndu l'atụ ụlo jịkaru, l'ọo ọ-ga-lẹ-mkpa bẹ bekochaaru bya abụru ẹwhuru, gude ụlo. O noo bụru iwhe Onye-Nwe-Ọha meru, ọ dụ anyi biribiri l'ẹnya!’

“O noo iwhe meru mu sụ unu lẹ: abụbu ono, Chileke bụ eze unu bẹ yẹbe Chileke l'a-nafụ unu woru nụ-chia ndu ọdo, umere whẹ l'e-goshi lẹ whẹ l'eme iwhe ya kfuru.