Popular Bible Verses from Mátiyu 18

Share

O noo l'iwhe bụ ẹka adụ ẹbo ọbu ẹto dzukobe nkele ndu ọbu bụ nkemu bẹ mu nọokwa l'echilabọ ndu ọbu.”

“Ọdo, mu l'ekfuru unu bụ: L'iwhe bụ-zhia iwhe unu dụ nwẹbo nọkobe lẹ mgboko-o gude obu lanụ kwekota; o -nweru iwhe unu kfuru nụ Chileke t'o meeru unu, bẹ Nna mu ono bu l'imigwe l'e-meru iya unu.

Jisọsu bya ekua nwata nshịi, kuta iya kfụbe l'echilabọ whẹ, sụ whẹ: “Iwhe mu l'eme tẹ mu kfuru unu bụ: ọ -bụ-zhidua l'unu gbanweru bya adụ g'ọo ụnwegirima, unu ta afụkwa bụru ndu Chileke bụ eze whẹ.

Iwhe bụ onye wozetaru onwiya alị dụ g'ọo nwata nshịi-a bẹ bụ iya kakọta shii lẹ ndu Chileke bụ eze whẹ.

Onye ono, kwoberu iswi ẹwha mụbe Jisọsu gude obu iya nata nwata nshịi, ha ẹgube-ẹ ree-ree-ree bẹ bụakwa mbẹdua bẹ onye ọbu gude obu iya nata ree-ree-ree.”

“Sụa, iwhe mu l'eme tẹ mu karụ unu bụ l'iwhe bụ iwhe unu jịkaru l'ọ tọ dụdu unu ree lẹ mgboko-o bẹ Chileke nọduakwawho l'imigwe jịka iya l'ọ tọ dụdu ree. Iwhe ọwhu bụkwanu iwhe unu sarụ ẹka nata l'ọ dụ unu ree lẹ mgboko-o, bẹ Chileke nọduakwawho l'imigwe nata l'ọ dụwa iya ree.

“O nokwawho gẹ Nna mu, bu l'imigwe l'e-me unu l'ẹhu l'ẹhu, mbụkwa onye l'ete egudeje obu iya g'ọ ha gụaru onye mesweru iya nụ nvụ.”

“Ọle onye mekwanuru onye lanụ l'ụnwegirima-a, wowaru onwowhe ye mu l'ẹka-a, t'o shiswee ụzo ono b'ọ gọgo kalẹkwaruwho onye ọbu mma nggẹ l'a patarụ eze ẹwhuru-uswe libe iya l'olu, nwuru iya chee l'ẹka ogvulogvu dụ l'eze-ẹnyimu.

“?Ndẹe g'unu l'arịkwanu iya? Ọ -bụkwanuru l'o nweru onye nweru ụkporo atụru ugbo ise, nnanụ jewhuhu ?onye ọbu ta apadụru ụkporo ugbo ẹno l'iri lẹ tete ọwhu haa l'ẹka ono, tụgbua jeshia je etsoru ugvu ugvu lewhee ẹnya iya ọwhuna, jewhuhuru who?