Popular Bible Verses from Yakɔp 2

Share

A sé ano arɔng na sêy tsak o: Ka sede mwat a ye, a sey tsak o na Dagwi, ko e rá tomong de be dura hɛ wɛt, sêy tsak o mɛ mo ha sé yapyi zɔng sede revîn pyɛ.

Di in, rebek de ra sé sana gabik e ji rɛ ra sé revin o. Ano arɔng, mwat de a sey tsak o na Dagwi zɔng, ko a ra tomong rat wɛt, sêy tsak o mɛ mo ha sé sede revîn pyɛ.

À begwa hom, ka sede mwat hwak a ye, a sey tsak o na Dagwi, ko tomong mɛ ba to sé detu, e pyɔlɔ̂ sɛ́ de mwat o a rɔda sɛ̀ arɛt? Hwó tē kɛ gyeng, Dagwi a rɔda sey ɛ yaga yerê sêy tsak o mɛ mo arɛt?

Hwà sey tsak o, Dagwi a sé gwining a? Ey yàa! Hwà ra tyɛng. Cēng mwa arɔng ya tɔk ano, ko tɔ́k o he tɛ̀ yɛ̄, ye vow rebek na bengyip.

Gyeng rɔ̌, mwat hwak ê to ye, “Hwo, hwà sey tsak o, ko me, me ra tomong rat.” Ko me hanat wɔgɔ, “Dura a me sêy tsak o mō sana tomong, ko me dura a hwo sêy tsak o hom yi na tomong hom.”

Yaga mwat de a tosho reyɔm bemat wɛt a rɔda di, Dagwi arɔng a rɔda tosho reyɔm mɛ wɛt. Ko womo de a tosho reyɔ̂m bemat a rɔda di, toshô reyɔ̂m Dagwi ha dal râ shɔt mɛ.

Di in, a sé yi na tomong de mwat e ra de Dagwi e jut ɛ a sé cik e bayis mɛ, ko a sé yaga a sey tsak o na yɛ zɔng wɛt.

Ko di in, sey tsak o mɛ tanga tomong mɛ bà ra fwom e dem o, ko à sè yi na tomong mɛ de sêy tsak o mɛ ha sila gyat.