Popular Bible Verses from Danyɛl 3

Share

Ko Shadrak, na Meshak tanga Abɛt-Nego ba hanat, ba ye, “À darwey, wot ê ka ha há hak, na wot a dul mɛ bato mot wɛt. Dagwi de wot e raa ê tɔk sey ot yi e ji kyâ gwogbɔng gwofwam-ju mo, mwa yi e reto de hwà vɔk. Ka ê ka sey ot wɛt, à darwey, tik na hwo tɔk, wot a rɔda re a cī mō fongol kɛ wot ê gaba e cât bol pyɛ de ba yong na dyam shinang de hwà tɛ̀ wɛt.”

Da Vwel o a toyo na ha, a ye, “Ko e rɛ̌ de me bɛrɛng bemat benaas be kyè e ji kya mo ɛ? Ba sé e rɔgɔs wɛt, kya ha ka re ɛn wɛt, ko wo nenaas o a sé sede hwêy lagwi.”

E bama mo, Da Vwel Nɛbukadnɛzar a ye, “Somo hin Dagwi wo Shadrak, na Meshak tanga Abɛt-Nego de a tomo tom-lagwi mɛ, a vey sey bemat mɛ! Ba tɛ̀ gap e ra yɛ, ko ba kyɛ́ ɛn nà raa redu hom, ba ye waa a neken mɛn, a dal a yɛn, de bê re a ci cak fongol sɛ̌ Dagwi mɛn zɔng.

Yaga ano, ma sé tɛ̀ redu de ra sé yaga bemat yi e kayɛ yerê bemât jey na yére bemasi na yi e karɛ relem. Ka sede mwat hwak e ha há ves e ra Dagwi wo Shadrak, na Meshak tanga Abɛt-Nego, bê kangat hɛ bagap o bagap o, na be tɛ̀ lɔ mɛ he tɛ́ ɛ barin, yaga vit a cī de ye tɔk sey mwat e gwong gwomo.”