Popular Bible Verses from Danyɛl 2

Share

“Dagwi a vɔk tɔ́k na reto! Nɔng in hɛ nerey gbak-gbak. Yɛ wɛ a vɔk jeng e vwɔ mɛ, e tɛ̀sɛ a begbɔng begwɔ̀m negwɔm, e yɛ arɔng de e losol begbɔng begwɔ̀m. E yɛ de e nɔngɔs tɔk na bemat de ba tɔk pyɛ́, e nɔngɔ̂s vê netsitsɛng netsitsɛng. E kulsa pyɛ̂ lɛrɛ de ya dal na negbang, a tɔk pyɛ́ de ya sé e lɛrɛ e ji lwil, ko negbey na rɔnɔ hɛ.

Danyɛl a toyo a yɛ, a ye, “À da, vit a mwât netsitsɛng, vit a mwat tô bes kɛ vwoshon hwak, vit a mwat de a tɔk pyɛ́ de ya sé e lɛrɛ de ê tɔk ha a hwo pyɛ de hwó simo. Ko Dagwi de e re negwɔm yi e lagwi e tɔk kulsa pyɛ́ de ya sé e lɛrɛ. A ga dura a hwo, à da, pyɛ de ya sé kyè wɔ̀ tɛ́ e ngamo nuyel. A remo, ma rɔda misang a hwo pyɛ de hwà di jeng de hwà sè e ji nevwa

“E jeng begbɔng begwɔ̀m vane mo, Dagwi de e re negwɔm yi e lagwi ê tɛ̀ segwɔm de bê tɔk gang sɛ wɛt. Vit a mwat de ê re sɛ na como, sê wey na bwang begwɔ̀m o. Ko sɛ, sê nàra gbak-gbak.