Popular Bible Verses from PA’PUDIAN 31

Share

Kamali’mi tu PUANG e mintu’ to Naala mase; Narinding pala’ PUANG tu to maruru’, apa iatu to umpogau’ kamatampoan Napapakkanni kapua.

Apa mati’ Kalemi kunii sande’, o PUANG! kukua: Kamumo tu Kapenombangku.

Da’ito namamang tu puduk mo’rang, tu matampo ungkada-kadai to malambu’, sia madongnga’ sia patelle.

Belanna kurangimo tu kada boko’na buda tau, – kamatakuran tiku lao –; samaturu’ umpata’paina’ lima, sia undaka’ lalan ungka’tu sunga’ku.

Tanannina’ talinga, sia rampananna’ madomi’, sangapaoi angku pobuntu batu pentirerungangKomi

La Midu’dukna’ lan mai porro’ natananan-bunianna’ tau, belanna Kamumo sanderan matoto’ku.

Tiramban tu penaangku angku ma’kada, kumua: Disualemo’ dio mai oloMi! Apa Mitananni sia talinga tu pengkamoyaku, tongku meongli’ Mati’.

Lu lakona pangala sengo, Pa’pudianna Daud.