Popular Bible Verses from PA’TOLE 6

Share

La ponno penaammu sia mintu’ deatammu sola mintu’ kamatotorammu la ungkamali’ PUANG, Kapenombammu.

la muadaran mintu’ anakmu sia la mupokada tu iannato, ke unno’ko’ko lan banuammu, sia iake dioko lu lalan, sia iake matindoko, sia iake millikko.

Iatu apa kupepasanan lako kalemu allo iate, la torro lan penaammu

Perangiimi, e to Israel: Iatu PUANG Iamo Kapenombanta; iatu PUANG misari!

Sia la mupemporian duka dio limammu la dipotanda sia la mupentalian dio kidemu dio kasitammuan matammu

sia la musura’ dio ampang ba’ba banuammu sia dio babanganmu.

Iatu PUANG, Kapenombammu, la mukataku’ sia la mupengkaolai sia la umpalaoko sumpa tete dio sanganNa.

Iake Nasolammoko PUANG, Kapenombammu tama tondok, tu Napalaoan sumpa unnallu’i lako nene’ to dolomu, Abraham, Ishak na Yakub, la Nasorong lako kalemu – iamotu ba’tu pira-pira kota kapua sia melo, tu tangia iko umpabendanni, tu ba’tu pira-pira banua tu nanii ponno ianan, tu tangia iko umponnoi, sia iatu ba’tu pira-pira bubun batu, tu tangia iko umpa’i, ba’tu pira-pira pa’lak anggoro’ sia kayu saitun, tu tangia iko untananni – sia iake mangkami mukande sadia’mu. Attu iato kanandai tu kalemu, da mukalupai tu PUANG, tu ussolangko tassu’ lan mai tondok Mesir, lan mai inan minii dipokaunan.

Inde sia tu pepasan, inde sia tu apa dipondok sia atoran, tu mangka Napa’parentan PUANG, Kapenombammi, la diadarangkomi, la mituru’ lan tondok, tu la minii male lako, la miala mipoapa, kumua ammu kataku’i tu PUANG, Kapenombammu, ke mukaritutui tu mintu’ aluk Napondok sia pepasan, tu kupapassanangko, la iko la anakmu sia ampomu lan mintu’ allo katuoammu sia anna malambe’ tu sunga’mu.

La mupogau’ tu apa malolo sia melo dio pentiroNa PUANG, kumua ammu malaga’-laga’ sia tamako tondok melo, tu mangka Naallu’ PUANG lako nene’ to dolomu Napalaoi sumpa sia la muala mupoapa

belanna iatu PUANG, Kapenombammu, Iamo Kapenomban manoka ditimba oloNa dio lu kamu, kumua na iatu kare’dekan ara’Na PUANG, Kapenombammu, da nadukku ullaoiko sia da Nasabu’iko dao mai kuli’na padang.

Da mituru’i sia umpenombai kapenomban senga’, ba’tu pira-pira tu mai deatanna bangsa untikuikomi

Da mitobai tu PUANG, Kapenombammi, susitu mangka mipogau’ dio Masa.