Popular Bible Verses from PA’TOLE 5

Share

Kasiri’i tu ambe’mu sia indo’mu, susitu Napepasanammo PUANG, Kapenombammu, lako kalemu, anna dipamalambe’ tu sunga’mu sia malaga’-laga’ko lan tondok tu Nakamaseangko PUANG, Kapenombammu.

Mintu’ lalan tu mangka Napepasanan PUANG, Kapenombammi, lako kalemi, la miola, ammi tuo sia malaga’-laga’ sia malambe’ sunga’komi torro lan tondok tu la miala mipoapa.

Da’ mutukku umpenombai sia da’ mupengkaolai, belanna Akumo, PUANG, Kapenombammu, Kapenomban manoka ditimba oloNa, tu umpapakkanni kakelokanna mintu’ ambe’ lako anakna sia lako osso’ ma’pentallunna sia ma’penna’pa’na tu mintu’nato ungkabiri’Na’, apa umpa’pekitananNa’ kamasokanangKu lako massa’bu-sa’bu tu to ungkamali’Na’ sia ungkaritutui mintu’ pepasanKu.

Da’ mugaraga rapang-rapang dipodeata dipa’na tu mai a’gan apa-apa dao langi’, ba’tu dao kuli’na padang diong, ba’tu diong to’ uai, tu diongna lu lino.

Da’ naden kapenomban senga’ dio oloKu.

Da’ musa’bu’ punala bangi tu sanganNa PUANG, Kapenombammu, belanna tae’ Nabilang maseroi PUANG dio mai kasalan tu to ussa’bu’ punala bangi tu sanganNa.

Melo ke tontong siai dio lu tau iato mai tu penaa susito tu la ungkataku’Na’ sia la ungkaritutui tu mintu’ pepasanKu, kumua anna malaga’-laga’ sola tu mai anakna tontong sae lakona!

Karitutui tu allo katorroan, ammu pamadatui, susitu mangkamoko Napasan PUANG, Kapenombammu.

Da’ mukailui bainena padammu ma’rupa tau, da’ mukaduangi banuanna padammu ma’rupa tau, ba’tu pa’lakna, ba’tu solana muane, ba’tu solana baine, ba’tu sapinna, ba’tu keledainna, ba’tu barang apa-apanna padammu ma’rupa tau.

Da’ mupasandak salu lako rampanan kapa’.

Da’ musa’bi tang tongan lako padammu ma’rupa tau.

Da’ mupapatean.

Da’ muboko.

Belanna la mukilalai, kumua mangkamoko kaunan lan tondok Mesir, sia mangkamoko Nasolan PUANG, Kapenombammu, tassu’ lan mai tete dio lima mawatang sia takia’ tie’te’; iamoto Napasanko PUANG, Kapenombammu, ungkaritutui tu allo katorroan.

Annan allona la munii mengkarang sia ungkarangi tu mintu’ pengkarangammu; apa allo ma’pempitu iamo allo katorroanNa PUANG, Kapenombammu; allo iato da mumengkarang, la iko, la anakmu muane, ba’tu anakmu baine, ba’tu solamu muane, ba’tu solamu baine, ba’tu sapimmu, ba’tu keledaimmu, ba’tu iatu mai patuoan senga’mu, la iatu to sae, tu torro lan kotamu, kumua anna melayo tu solamu muane sia solamu baine susi iko.

Akumo PUANG, Kapenombammu, tu ussolangko sun lan mai tondok Mesir, dio mai inan minii dipokaunan.