Popular Bible Verses from PA’TOLE 1

Share

Iatu PUANG, Kapenombammi, tu undoloangkomi, Ia la umparariangkomi situru’ tu mintu’ apa mangka Napogaurangkomi dio pentiromi lan Mesir, sia lan padang pangallaran, tu minii untiroi, umba Nakua tu PUANG, Kapenombammi, ussompokomi, susitu tau ussompo anakna, dio mintu’ lalan miolai, sae lako saemi inde te.

Narangngannimira PUANG, Kapenombanna nene’ to dolomi, pessangsa’bu pada bilangammi totemo sia Napamasakkemorokomi, susitu Naallu’ lako kalemi.

Iatu PUANG, Kapenombanta, ma’kadamo lako kaleta dio Horeb, Nakua: Silasamo masainna to minii torro inde te sikandappi’ buntu iate.

Manassa la Kusorongangkomi tu tondok iato, tamamokomi, ammi alai tu tondok, tu Naallu’mo PUANG umpalao sumpa lako nene’ to dolomi, Abraham, Ishak na Yakub, kumua la Naben lako tau iato sola bati’na.

Lan pa’paolaian salu da mipelindo tau; la pada miperangii tu to bongko ba’tu to la’bi’ moi misa’ tau da mikataku’i, belanna iatu pa’paolaian salu Kapenomban umpoissanni. Iatu kara-kara magasa lako kalemi, la mibaa lako kaleku, angku perangii.