Popular Bible Verses from Rom 6

Share

Mije, mkpukpe ijo inu ìre mkpa. Ire, uche Awaji okiche inyi ene me ikike ìre ugwem ikakaan̄ge itata, inan̄a me lek Okaan̄ kiji Jisọs Karais.

Mije, ijo inu ìkpore nte uwu inyi enyi, bak me lek enyi kpekup me irak Ikan kè Mosis, enyi ekup me irak atata nnwọn eyi Awaji.

Mgbọ egwookbe eji mun̄, egbaan̄ eji melek kan̄ ifuun̄, inyi eji ekaan̄ uche me lek mkpa eyi ọmọ okwube. Sa me ikeya, ike Awaji osabe me unye kan̄ eyi òkakaan̄ ujamgbugbo ijomo Karais me mkpa, ikeya si, eji si mêluk ayaya ugwem.

Ikasa nriro lek kinyi geege ìnyi ijo inu isa irọ inu ikpak kan̄. Kpan̄asi ikeya, ìsa lek kinyi ìnyi Awaji, kubọk ebi esan̄abe me mkpa itap me ugwem, mè ìsa otutuuk nriro lek kinyi ìnyi ọmọ isa irọ nroon̄ ikwaan̄ eyi ata irọrọ.

Eji mîriọọn̄ ibe ke egbaan̄ oka akpalek kiji melek Karais igon ikpan̄ me inyọn̄ uti nkwurieen̄, inyi akpalek ijo inu ikayaka ìkaan̄ unye geege, mè eji ekayaka ìre usun̄ ìnyi ijo inu ofifi

Ubọk yaage si, enyi ìfuk lek kinyi kubọk ebi ìkwakwaan̄ isibi itele ijo inu, mè ìkiluk ugwem ìnyi Awaji, mije, enyi mîkana ire ge melek Jisọs Karais.

Ubọk îkupbe ikeya, ìre keke ke eji ebeyaka itumu? Ìre eji mêkpọkpọ ikirọ ijo inu, inyi atata nnwọn eyi Awaji ikimumana? In̄-in̄, ìkare ikeya! Eji mîwuuk lek ikwaan̄ isan̄a me ere ijo inu okupbe. Ìre eji ebejeje iyaka ikiluk me emen ijo inu ifo isi?

Ìre enyi kperiọọn̄ ibe, ire enyi isa lek kinyi irọ usun̄ inyi ene, mè ikisiki ibot inyi ene ya kubọk usun̄, ke enyi mîkana usun̄ inyi ene ya me atikọ? Inu geelek ene ya otọbe inyi enyi, eya ke enyi eberọ, mè ìre ijo inu eyi môsabe mkpa ijet enyi, mè ìre isisiki ibot eyi môrọbe inyi enyi ekana ebi ata irọrọ.

Me mgbọ òraraka, enyi ìre usun̄ inyi ijo inu. Ire, itọn̄ ikup inyi Awaji, mije, enyi mîsa otutuuk ejit kinyi ibọkọ ata ijejeen̄ eyi ejeen̄be enyi itap. Mgbọ keyi enyi mînwọnọ me ubọk ijo inu, mè ikana usun̄ inyi ata irọrọ.