Popular Bible Verses from ROMANIK 10

Share

amu nging'aany eng' kuting'ung' ile Jeso ko Kiptaiyat, ak iyani eng' muguleldang'ung' ile ki ing'eet `Kamuktaindet ineendet komang'une che ki pek, kesaruun.

Amu iyani chii eng' muguleldo agoi imanda; ak ng'aanyei eng' kutit agoi saruunet.

Nyoonei anyun kayaneet eng' kaseet, ak nyoonei kaseet eng' ng'olyootap Kristo.

Amu mwaei sireet kole, “Age tugul ne iyani ineendet koma kigoochin kolilaan.” Amu ma mi kabesyet eng' Yahudyot ak Yunanindet; amu Kiptaiyandanooto ko Kiptaiyatap tugul ak aiyeep eng' icheek tugul che kuurei ineendet. Amu age tugul ne kuurei kainetap Kiptaiyat, kesaru.

Ak amdoitoi ano, ngo ma kiyookto? Agot ko uu ye siraat kole, “Korooron ne tya keelyegap icheeget che ibu logoiywek che po poiboiyet, che po tuguuk che myach!”

Kuurtoi ano anyun ineendet `icheek che tomo koyan? Ak iyandoi ano ineendet `icheek che tomo kogas agobo ineendet? Ak kastoi ano ama amdoindet?

Amu Kristo kagesunetap Ng'atuutyet agoi imanda eng' age tugul ne iyani.