Popular Bible Verses from KALEWANAIK 4

Share

Riip muguleldang'ung' eng' kagiiletapkei tugul, amu yooto ko punu kong'igap peegap saboon.

Ruchi komyee ole punei keelyeguk, ak ingogimegitu ortinweguk tugul.

Istoegei kutit ne ngelelyo, ak iistoegei kutit ne mwaei ng'aleek che po kamaaset.

Taunetap utaatyet ko icheeng'jigei utaatyet; ee, kobooto tuguuk tugul che itinye, icheeng'jigei naet.

Ago ooreetap che po iman ko uu lapkeiyet ne iluu, ne iluu ko tesoksei agoi peetuut ne ititaat. Ooreetap kiptengeginik ko uu mesundeito; ma naei kiit ne riichei icheek.

Amemete, si koriibin; cham, si koriibin.

Nam miising' kaneetisyet; matichamji kwo; riip, amu ineendet ko saboondang'ung'.

Mechut ooreetap kiptengeginik, amewendotee ooreetap piik che yaacheen.

Ogas werchu katigonetap kwanda, ak oep iit si kobiit onai kaguiyet.