Popular Bible Verses from KALEWANAIK 3

Share

Imang'u Kamuktaindet ne Toroor eng' muguleldang'ung' tugul, ametiegei naeng'ung'. Ng'aany ineendet eng' ortinweguk tugul, si kolitiitu ortinweguk.

Amendegei inyegei ile ii utaat; iywei Kamuktaindet ne Toroor, ak iistoegei yaityo.

Konyitee Kamuktaindet ne Toroor tuguuguk, ak eng' tongoanigap rurateng'ung' tugul; si konyi chogeniguk eng' aiyebindo, ak kong'irtagei divaik che leelach eng' ole ituisye.

Amecham koistoenengei rireenet ak iman. Ratyi kaating'ung', sirchi muguleldang'ung'.

Weeriinnyu, amesas katigonetap Kamuktaindet ne Toroor, ameng'et eng' kateunennyi; amu iteechin Kamuktaindet ne Toroor age tugul ne chamei, ko uu ye iteechin kwanda weeriinnyi ne poiboitune.

Weeriinnyu, ameutyee kaneetisyennyu, ago ingoriip `muguleldang'ung' ng'atuutikyuk; amu tesun chooto chaang'indap peetuusyek, kenyiisyegap sabeet ak kaalyeet.

Paibai chiito ne nyooru utaatyet, ak chiito ne nyooru kaguiyet. Amu siirei chemung'arainateet ne po ng'omnateet ne po fedha, ak siirei keljinet ne kenyoorunee nooto thahabu che korooron. Po kamanuutyet ne oo ineendet kosiir koiik che kiguure peninim, ak tuguuk tugul che imache koma mi che kiroge ng'omnateet.

Ameetee myeeindo che nyoljin kigoochi, ye itinye kimnateet ne iyae.

Ki lum `Kamuktaindet ne Toroor ng'wony eng' utaatyet, ki igimit kipsengwet eng' kaguiyet.