Popular Bible Verses from KALEWANAIK 17

Share

Tinyei chorweet chamyet kotugul, ak kisichei ne tupcho ak chii agobo nyalilda.

Kerichek che myach muguleldo ne igasegei, ago iyaami kawek `saboondo ne katanui.

Cheeng'ei chamyet ineendet ne tuchei pistoet; ago ineendet ne ibooti ng'aleek ko ibestos choronok che eecheen.

Tinyei naet ne ma iseeri ng'aleekyik, ak tinyei kaguiyet `ineendet ne tinyei mugulel ne po muitaet.

Agot ne perber ye siisei, kiiti keele utaat; ye ker kutinnyi, kiit keele ng'oom.

Kaigai kererutyet ne yaamaat kobooto kamuung'et, kosiir ko ne nyiitaat igoorto ak komi pooryeet.

Uu taunetap pooryeet ye kiyatei peek; omete anyun pooryeet kotom kobiit polateet.

Ineendet ne iityin imanda kiptengekyot ak ineendet ne igikyin chiitap iman; chooto tuwai ko che wechei Kamuktaindet ne Toroor.