Popular Bible Verses from JEREMIAH 17

Share

Iberuurot chiito ne imang'u Kamuktaindet ne Toroor, ak ko ne kamang'unennyi Kamuktaindet ne Toroor. Amu igeitu ineendet keetit ne ki kiminji ole neegitee peek, ak kowaktoi tigitikyik eng' ole neegitee aineet, amaiyweisyei ye piitu kiptoret, ago tuonitu sogekyik; ama arageni eng' kenyiitap kemeut, ama metoi kooi logoek.

Kaberberin muguleldo kosiir tuguuk tugul, ak ko ya miising': ng'oo ne imuuchi konai?

Anee Kamuktaindet ne Toroor kasiagindetap muguleldo, atyeme kabwaatutik, si agoochi chii age tugul ko uu ortinwekyik, ak logoegap poisyonikyik.

Mwaei Kamuktaindet ne Toroor kole: Chuboot chii ne imang'u kipkosabei, ak kotiegei kipkosabei, ineendet ne istoegei muguleldanyi Kamuktaindet ne Toroor. Amu igeitu sondiit eng' surkwen, ama keerei ye piitu myeeindo; ago menyei komoswek che yamyotiin eng' surkwen, emetap muunyuk ole ma menyei chii.

Isooba, ee Kamuktaindet ne Toroor si asap; sarwo, si anyoor saruunet; amu ii kalasunennyu.