Popular Bible Verses from ISAIAH 62

Share

Ma keguurenen kogeny Ne Ki kimeto; ama keguure emeng'ung' kogeny Karaita: ago kiguurenen Hepsi-ba, ak keguure emeng'ung' Beula: amu paibaitunenen Kamuktaindet ne Toroor, ak kitun emeng'ung'.

Kande riibiik irimoiguk, ee Jerusalem; ma koi siisyo peet anan kemoi; amomuunyi okweek piik che obwaatyini Kamuktaindet ne Toroor, amogoochini ineendet komuuny, agoi kogimit Jerusalem ak koyai koek kalasunet eng' ng'wony.

Iegu kogeny naaryeetap korooronindo eng' eutap Kamuktaindet ne Toroor, ak iegu naaryeetap laitornatet eng' eutap Kamuktaindeng'ung'.

Amu ko uu ye ituni mureno pergeiyat, uu nooto tuun itunin weeriiguk: ak ko uu ye paibaitu sandet eng' murereet, ko uu nooto, tuun poiboitu Kamuktaindeng'ung' eng' inyee.