Popular Bible Verses from ISAIAH 60

Share

Ng'eet, iluu; amu kagoit lapkeiyeng'ung', ak kagochorchin toroornatetap Kamuktaindet ne Toroor.

Ak kobwonji pororyosyek lapkeiyeng'ung', ak kobwonji laitorinik kaluunetap choruneng'ung'.

Amu, keero, tuchei mesundeito ng'wony, ak kotuch mesundeito ne oo pororyosyek: ago chorchinin Kamuktaindet ne Toroor, ak kotook toroornatennyi eng' inyee.

Egu ne ming'in eliphuut, ak koek ne ming'in pororyet ne kiim: achokyini nooto anee Kamuktaindet ne Toroor eng' peetuunnyi.

Ma koegu asiista lapkeiyeng'ung' peet: ama kogoonin lapkeiyet kaluunetap arawet: ago egu Kamuktaindet ne Toroor lapkeiyeng'ung' ne po koigeny; ak koek Kamuktaindeng'ung' toroornateng'ung'.

Ma kororoktoi asiistang'ung', ama komeei araweng'ung': amu egu Kamuktaindet ne Toroor lapkeiyeng'ung' ne po koigeny, ak kogeskei peetuusyegap riireguk.

Igeer anyun ak kikwenyin, ak kobotan muguleldang'ung' ak ki paraa; amu pwonjinin chaang'indap nyanjosyek, pwonjinin mogornatosyegap pororyosyek.

Ing'eet met ak igeer komoswek tugul: iyumigei icheek tugul, ak kobwonjin: punu weeriiguk ole loo, ak keganabu tiibiiguk.

Ak koek che po imanda kogeny piiguk tugul, ak koek emet porotennywa koigeny; temeet ne ki amin, poisyetap eunekyuk, si kobiit kegonyita.

Ma kegasei kogeny koroomnateet eng' emeng'ung', anan kobiit kubernateet ak ng'emisyet eng' kiwotosyeguk; ago tuun iguure irimoiguk Yetunet, ak iguure ormariichoguk Kalasunet.

Kiyatei kogeny ormariichoguk kotugul; ma kigerei peet anan kemoi; si koibun piik mogornatosyegap pororyosyek, kobooto laitorinikwak che kimutu.

Tuchin chaang'indap tambeesik, kobooto moegap tambeesik che po Midian ak Ephah; punu tugul Sheba: ibu thahabu ak tuguuk che nyamdut, ak komwaita kalasunoigap Kamuktaindet ne Toroor.

Ak koteech toek irimoiguk, ak koboisyeun laitorinikwak: amu ki abirin eng' nereegekyuk, ago ki ariirenen amu chamennyu.

Ak ko uu ye kiga kebagaakten, ak kewechin, kot ko ki ma kota komi chii ne kibunei kwenung'ung', ayain anyun iegu telunateet ne po koigeny, poiboiyetap ibinwek che chaang'.

Ichuchuni kogeny cheegap pororyosyek, ak irerye kinaigap laitorinik: si kobiit inai ile anee Kamuktaindet ne Toroor, ko aa yetindeng'ung', ak ko katyagindeng'ung', Ineendet Ne po Kamuktaet ne po Jakobo.