Popular Bible Verses from ISAIAH 40

Share

Igoochin kimnateet ne nyaluli; ak tesyin kimnateet ineendet ne ma tinyei kamuget.

Nyaluldos ak kong'etos agot neranik, ak kobutyo murenik: ago nyooru kimnateet ne leel icheeget che igeni Kamuktaindet ne Toroor; togostoi kotirirendos ko uu kipsichinik; rwaei, ama ng'etos; pendoti, ama nyaluldos.

Tos tomo inai? Tos tomo igas? Manyaluli, ama ng'etei Kamuktaindet ne po koigeny, ineendet Kamuktaindet ne Toroor, Yaindetap ng'wony komugul; ma isyachaksei naennyi.

Tuugeet ne kuursei koleen: “Ochopchi ooreetap Kamuktaindet ne Toroor eng' surkwen, olitiityi ooreet ne oo Kamuktaindennyo eng' ong'ateet.

Restos susweek ak kobetos taaptook; ago tononi koigeny ng'olyootap Kamuktaindennyo.

Ak tuun king'aanyei toroornatetap Kamuktaindet ne Toroor, ak keerei piik tugul niito; mwaei Kamuktaindet ne Toroor niito.”

Tuun kiloong'u atebweet age tugul, ak tuun kiripribi tulweet age tugul ne oo ak ne ming'in. Tuun kilititi che kunuuren, ak kichabai komoswek che sing'ortot.

Paei keechiirekyik ko uu mestowot, iyumi eunnyi aaregap keechiir, ak komute tegeennyi, ak kondochi mutyo che aboen.

Onyal parak, ogeer ole ng'oo ne ki toi koyai chuuto, ne imutu lugeennywa kobee koitet: kuurei tugul eng' kainaikwak, eng' ooindap kamugennyi, ak kiim ineendet eng' kamuktaet, ma peet agot agenge.

Ineendet ko ne tebee ole pooch yiemutyetap ng'wony, ak uu che menyei olooto, talamik; ne iitoi kipsengwet ko uu angeet, ak koiito kipsengwetisyechooto ko uu emait ne ki menyei

Ong'alaalji Jerusalem eng' kagaigaet, ak omwachi eng' kutit ne oo oleenji, kagogeskei poryennyi, kagenyochi kaat tengektanyi. Kagotaach eng' eutap Kamuktaindet ne Toroor pireet konyil aeng' agobo tengekwogikyik tugul.

Mwaei tuugeet kole, “Waach!” Ale, “Awaakyi nee?” Susweek poorwek tugul, ak uu taaptook che po keeweet karaaranindanywa tugul. Restos susweek ak kobetos taaptook, amu usyin kabuusetap Kamuktaindet ne Toroor. Susweek piik iman.

Ogeero, nyoonei Kiptaiyat Kamuktaindet ne Toroor ko uu ineendet ne kiim, ak kobounisyei eunnyi agobo ineendet; mi melektanyi kobooto ineendet, ak mi yaaktaennyi tainnyi.

Ogaigai, ogaigai piikyuk, mwaei Kamuktaindeng'wong'.

Ng'oo ne kiger peek kogeer ole tee eng' rubeitanyi, ak kokwa kipsengwet eng' moriikyik, ak konai ole tee temburyegap ng'wony eng' karagendoet, ak korogendo tuloonook eng' ratilisyek, kobooto tuloonook che mengeechen eng' kiit ne kirogendoisye? Ng'oo ne ki indochi Kabuusetap Kamuktaindet ne Toroor, anan ng'oo kaneetindennyi ne ki ineet ineendet? Ki ng'alaal ak ng'oo, ak ki ineet ng'oo ineendet, ak koneet ineendet eng' ooreetap kirwooget, ak koneet naet, ak koboorchi ineendet ooreetap kaguiyet?