Popular Bible Verses from ISAIAH 26

Share

Iriibe ineendet kotebee kaalyeet ne ititaat, ineendet ne tienengei kabwautuikyik, amu imang'un.

Omang'u Kamuktaindet ne Toroor koigeny, amu mi eng' Kamuktaindet ne Toroor rwandet ne po koigeny.

Amachin eng' saboondanyu kemoi; acheeng'in eng' saboondanyu kotom koeech. Amu ye mi ng'wony kirwoogutiguk, koneetegei che menyei ng'wony imanda.

Inyee Kamuktaindet ne Toroor ne ing'atwech kaalyeet amu inyee ne ki iyaiywech kogeny poisyonikyok tugul.

Eng' ooreetap kirwoogutiguk; Ee, Kamuktaindet ne Toroor, ki kigenin, makyingei saboonwekyok kaineng'ung' ak kabwaateng'ung'.

Litit ooreetap ineendet ne po iman; inyee ne ii litit, indochini ortinwegap chiito ne po iman.

Amu kigochoor ineendet icheek che menyei ole toroor, kigochoor nganaseet ne toroor. Iluuli ineendet nganaseet; iluuli agoi temburyek ng'ung'unyek.

Oyat ormariichok, si kobiit kobun kwo oriit pororyet ne po iman, ne riibei imanit.