Popular Bible Verses from ISAIAH 25

Share

Ee, Kamuktaindet ne Toroor, ii Kamuktaindennyu; atoroorin, alasu kaineng'ung'; amu ki iyai tuguuk che kikwong'ee, kirwoogutik che po keny, eng' kagesunatetapkei ak eng' imanit.

Ki kolugui ineendet meet koigeny. Tuun ibuchi Kiptaiyat Kamuktaindet ne Toroor peegap kong' eng' togoochik tugul; ak koisto teweernatetap piikyik eng' ng'wony komugul. Amu kagomwa Kamuktaindet ne Toroor niito.

Ak tuun kimwaei eng' peetuunooto keele, “Ogeero, niito ko Kamuktaindennyo; ki kigen ineendet, ak sarwech ineendet. Niito ko Kamuktaindet ne Toroor; ki kigen ineendet, kigasigei ak keboiboitu eng' yetunennyi.”

Tuun ng'emei ineendet eng' tulwooni kiit ne kituge piik tugul, ak angeet ne ki kituge pororyosyek tugul.

Eng' tulwooni ko tuun yachin Kamuktaindet ne Toroor ne po lugoosyek pororyosyek tugul, igoorto ne po tuguuk che akwaen ak divaik che ki kotebi keny, ne po tuguuk che akwaen che nyiitootiin mwanik, ne po divaik che korooron.