Popular Bible Verses from ISAIAH 11

Share

Tebee ineendet `Kabuusetap Kamuktaindet ne Toroor, muguleldap utaatyet ak kaguiyet, muguleldap katigonet ak kimnateet, muguleldap naet ak kaiyweisyet ne kiywei Kamuktaindet ne Toroor. Mi poiboiyennyi kaiyweisyet ne kiywei Kamuktaindet ne Toroor.

Mang'une `mornet ooreetap Jesse, ak kooi logoek `mornanooto pitunee tigitikyik.

ago irwooksechin kibananook eng' imanda, ak koger kong' che talaen che po ng'wony eng' imanda: ak kobir ng'wonyuni eng' kirokto ne po kutinnyi, ak kobare kiptengeginik kabusennyi.

Ak egu imanda pireneet ne rategei, ak koek kayaneet ne kiyani pireneet ne rategei.

Ma itoi kiy chii anan kong'emis eng' tulweennyu tugul ne tiliil; amu nyiei ng'wony naetap Kamuktaindet ne Toroor ko uu ye nyiei peek nyanjet.

Ak kotebi suiyot kobooto aarwetap keechiir, ak koruiyo cheplanget ak aarwetap ng'oroor, ak koruiyo moita ak ng'etundo parnotyot ak ne akwai, ak kokweri icheek `lakweet ne ming'in.

Cheeng'ei pororyosyek eng' peetuunooto tigityotap Jesse, ne tononi koegu songolyetap piik; ak egu toroornatet ole imuung'ee.