Popular Bible Verses from EPHESOEK 4

Share

ilak otebi eng' talasyet okweegei eng' okweegei, orireegei, ak onyochinigei kaat, ko uu ye kinyoiywok kaat Kamuktaindet agine eng' Kristo.

eng' kaming'inetapkei tugul ak mutyonet, kobooto muitaet, omuitochinigei eng' chamyet

Amat komang'une ng'olyoo age tugul ne ya kutusweekwok, ago nooto ne myee ne imuuchi koteekso, ko uu ye nyolu, si kobiit kogoochi myeeindo icheeget che kasei.

Ingoistogei eng' okweek ng'wanindo tugul, ak nyitatet, ak nereegek, ak polateet, ak chubisyet, kobooto yaityet tugul

Onereech, amoyai tengek: amat kororokto asiis kota onereektosi: amat ogoochi poroindo chesawilyet.

ale oregu chiito ne po keny, nooto atebeeng'wong' ne po atkinye, ne ng'emaksei ko uu maguutik che yaach che po keniisyet; asi owalage oleelagitu eng' nautigap saboonwekwok, ak olaach chiito ne leel, ne ki kiyai eng' Kamuktaindet eng' imanda ak tiliilindo ne po iman.

ogiiligei oriibe yamdaet ne po Kabuuset ne Tiliil eng' ratuutyetap kaalyeet.

Ak ki igoochi alak koek che kiyooktoi: ak alak, maotik; ak alak, che mwaitooti logoiywek che myach; ak alak, mestoweek ak ko kaneetik; si koyai che tiliileen koek che ititaatiin, agobo poisyetap otisyet, agobo teekseetap poortap Kristo, agoi keit acheek tugul yamdaetap kayaneet, ak naetap Weeriitap Kamuktaindet, agoi keegu chiito ne pekyinot, agoi kakwaet ne po etunatetap nyiietap Kristo

si mata keegu lagok, che kitoortai koba komosi ak komosi ak keibooti eng' usoonet age tugul ne po kaneetisyet, eng' ng'aalsetap piik, ak eng' kaberberisyosyegap kiplembechoonik; ago ki ng'alaali che po iman eng' chamyet, si keegitu eng' tuguuk tugul eng' ineendet, ineendet ne metit, nooto ko Kristo