Popular Bible Verses from AMDOINDET 8

Share

Ki alasu anyun poiboiyet, amu ma tinyei chii kiy ne myee eng' kurereetap asiista kobatee koam, koeei ak kobaibait. Amu tebyei nooto kobooto ineendet eng' poisyennyi, eng' peetuusyek tugul che po sabeennyi, che ki igoochi `Kamuktaindet ineendet eng' kurereetap asiista.

Agot ngo yai kiptengekyot yaityet konyil pogol, ak kotesak peetuusyekyik, angen ui tugul ale, myeeitu eng' icheek che iywei Kamuktaindet, che iyweisyei ineendet eng' tainnyi.

Amu mi peetuut ak kirwooget ne po ng'olyoot age tugul, amu oo nyalilda ne tinyei chiito eng' chooto.

Ma mi chii ne tinyei kimnateet eng' koriisto si kogirinda koriis; anan kotinyei kimnateet koboi peetuutap meet; ama mi undaet eng' lugonooto. Ama saru yaityet ineendet ne igoochingei yaityonooto.

Amu ma sip kirwookyin poisyet ne ya, konyooru anyun mugulelwegap piik mageet koyai yaityet.

Mi tangoita ne yaaksei eng' ng'wony; amu mi piik che po iman, che piityin kiy ko uu poisyonigap kiptengeginik; komi piik che yaach che piityin kiy ko uu poisyonigap che po iman. Ki amwa ale, tangoita niito agine.

Amu ma naei kiit ne piitu, amu tos ng'oo ne imuuchi komwachi ineendet ole piitundoi kioto?