Popular Bible Verses from AMDOINDET 7

Share

Amesartae nereek eng' saboondang'ung', amu tebee nereegek tegetigap che perber.

Paibaitu eng' peetuutap perurto, ak eng' peetuutap nyalilda ibwaat komyee. Ki iyai Kamuktaindet chooto kogergeit tuwai, si ma nai chiito kiit age tugul ne piitu let.

Kaigai kagesunetap kiy kosiir taunennyi; kaigai ne muitoi eng' muguleldonyi kosiir ne meenei.

Iman, ma mi chii ne po iman eng' ng'wony, ne yaei ne myee ama yaei tengekto.

Amu riibei piich utaatyet ko uu riibseetap fedhaisyek. Ago telunatetap naet ko ni, riibei ng'omnateet saboondap chiito ne tinyei.

Kaigai kainet ne myee kosiir mwanik che po kamanuutyet ne oo. Ak kaigai peetuutap meet kosiir peetuut ne kisichei chii.

Kaigai kegas kereetap kong' ne po chiito ne utaat, kosiir kegas tyendap piik che perber.

Kaigai keba koot ne kiteiye, kosiir keba koot ne mi igoorta. Amu nooto kagesunetap piik tugul, ak konori nooto eng' muguleldanyi chiito ne sabei.

Mi mugulelwegap che utaatiin koot ne kiteiye, ago mi mugulelwegap che perber koot ne po poiboiyet.