Popular Bible Verses from Roma 13

Share

Ŋo Waom Yesu Kristo wano ŋine kawali wane aboŋ eyaŋo takotŋine okangi ma okorakei, paki solaŋinane dereret borikine eya wane simile misuk desikei.

Ŋei mane wano ŋine sota misuk okanikei, sota weku okanikei, yemo ŋine ŋidomka wet maep okan nagukei. Mane eŋe ŋei kimaine wet maep okan kayake, eŋe Mose wane ra rokop don korop eya tewekeyake.

Ŋei korop eŋe kepe ware ware eŋane bango geu paki, aŋaene tewekkei. Onokawane kepe ware ware eya Kaisale midaine mi wakonge. Kepe ware ware urata mama, eyamo Kaisaleŋo ma wakone, eya motke.

Ruwo mo mida leleyakane okangimo, kaiwe mo sirikeyakane okanmaike. Eya wane ŋine panaman wane aboŋ eya qeligeu paki, tebe ŋoroŋ qelaŋango yaku yaku eya ma wiye magekei.

Mane eŋe ŋei kimaine wet maep okan kayake, eŋe tanik worik mane mi okankayake. Wet maep okankayake, oŋo yemo ra rokop don korop tewekwareyake.

Eya wane ŋine qoleonbi, eŋane biŋek onokaka magemami, eya takis qoleongei wane raraine, eŋe takis qoleonbi, ewe kito kito wane, eŋe eweene kitokei, bakom kito kito eŋe korop bakomene kitokei.