Popular Bible Verses from Pilipi 1

Share

Eso na eya wane iwa yale detlukmaile, Kaisale eŋe urata maine iwa ŋinano kiyeke, makeŋo takotke ma ari mageki, Kristo Yesu lotkeyake kaiwe naso eyao urata qoeyake.

Na ŋinane meŋenka okanmaile, yemo iwa yale, ŋinane wet maepŋo takotke more manerop suwa leule okaniyake, so wet dereret wele so dere wesakmaine, eya weneŋ kotoŋino suwa payake. Paki ŋine baŋ eweke more tanik manik kine kine mayakakatne eya kaulukke more makei. Mau paki, ŋine baŋ Kristo lotkeyake, Kaiwe Naso yewao korop koto ŋine libe libe qelaŋan gorop so sot midaine koboine okane gekei.

Gege eyamo onokaka? Kristoŋo gegene okanmaike, ŋo seukkale eyaŋo yemo kine kine lewine suwaine manerop gege togon waraŋ-kaki sari niniyake.

Na naso baŋem ŋinane ra wetkewe paki, Kaisalene bakomine kito okanmaile.

Iwa yemo kine kine wele, eya wane ŋine gege ŋine koboine, Kristo wane kisi maep don maine eya mogare, eyaŋo ramaike, eya wane rokopko geulukkei, paki na ŋinano eweke more sari ŋunikale, me mi sari ŋunikaleo, yemo na don kisi ŋineka baŋ detpe, ŋine togogole more wet weku motpi paki okorakei, so kawali orodoŋ dereret weku motpi paki qekei, yale okanbi, ŋei ŋerep mali malipŋine kisi maep don mainane motpi payake

Na detluk kamaile, so wetneŋo teba kamaile, yemo na uratane makalane mane mi pelekkale, me gamu mane mi makale. Siluŋ naso baŋem so naso iwao naŋano baŋ togole togoleŋo watke payake. Paki na solane so kotone weneŋ korop teba-kawe, Kristo wane bakom mawa mawa baŋ, na wisika gekaleo me seukkaleo, naso yewao wakoniyake.

So ŋine iwa yale detpi, Kaisaleŋo ŋine masi maine okan-ŋunge, yemo Kristo wane qelitine qe more, detlukka malipkakei waneka midakaka, ŋine eŋane eŋet biŋek wane ra more wikile weneŋ desikei wane rakok-ŋunge.