Popular Bible Verses from Salmos 51

Share

Ndataa ni in anu vii nuu san, vi Dios. Ndasajaa ña ni ja na kokuu san in ñayiu ndaa nuu ni.

Ndataa ni tnoꞌo sii ini, ja skaku niꞌnu ña ni, te kindaꞌa tnuu ña ni ja na kuantnoꞌo guaꞌa san nuu ni.

Ma xtajioo ña ni jin san nuu oo ni, te ni ma kindee ni espíritu ni ja oo jin san.

Chi ja junkuaan ini ni ja vi soko nuu ni kuu ja vi kusuchi ini ñayiu jin jakueꞌe ka saꞌi. Chi ma skexiko maa ni, vi Dios, in ñayiu ja vi kukueli ja ndatnaꞌu ini.

Kundaꞌu ini ña ni, vi Dios, nagua kutoo ni ñayiu, chi ia ndaꞌu ndevaꞌa ini kuu maa ni, te kindee ni jakueꞌe saꞌa san. Ndakate ña ni in kiuu in kiuu ka nuu ndiꞌi jakueꞌe saꞌa san, te kindee ni yika kuechi san.

Ndasavii ña ni jin ndaꞌa tnu hisopo, te na nduvii san. Ndakate ña ni, te na nduyaa ka san saa ti iñu nuu kuun.

Nuu maa ni, ni saꞌa san yika kuechi, maintnoꞌo ni nuu maa ni. Te ni saꞌa san jakueꞌe nuu ni, yun guaa saꞌa ndaa maa ni nuu kaꞌan ni nuu san, te vatuka ka saꞌa ni nuu sandaa ni kuechi san.