Popular Bible Verses from Isaías 42

Share

“Maa rin kuu Jitoꞌo, te ni kana ña rin ja saꞌa ndaa ron, te kotnii guaꞌa rin ndaꞌa ron ja ma ndonso ron, te kokoto guaꞌa ña rin jin ron, chi jin maꞌñu sagua maa ron saꞌa rin in tratu jin ñayiu ñuu rin, na kuinio ñuꞌu ja koyeꞌe ron nuu ndiꞌi ñayiu ñuyiu, nagua ja ndakune ron nduchi nuu ñayiu kuꞌu nuu, vi ndatau ron ñayiu ka yiꞌi vekaa vi nuu ka ndesi ñayiu ka oo nuu nee.

Maa rin kuu Jeovaa, saa nani maa rin, te ma kuñaꞌa rin ja kuu kaꞌnu rin nuu ni in chuꞌchi, te ni jayiñuꞌu ja oo nuu rin.

Te jiñaꞌa ka ia Dios: Yaꞌa oo tee jinokuechi nuu rin, te chituu guaꞌa rin de. Te maa rin ni kaji de, te kusii ini ndevaꞌa rin jin de. Te ni jiñaꞌa rin Espíritu rin nuu de, te maa de sandaa ja jaꞌa ñayiu ñuyiu.

Te ma kaꞌnu de ni in ndoo ja ni taxin, te ni ma ndaꞌva de ni in yuaꞌa ja inka ni jinkondee kana ñuaꞌa ja kai. Chi jandaa ndija ja maa de sandaa kuechi. Te ma kutnuu de, ni ma kuita de vi guaa ndee na kundee de ja saꞌa ndaa de kuechi ñayiu ñuyiu. Te vi kondetu kaꞌnu ñayiu ñuu ja ka oo jika ja vi kaxtnoꞌo tnoꞌo de nui.

Te kondeka rin ñayiu ni ka kuaa ja vi kakai nuu ichi tu ka jini, vi nuu ichi chindaa ja tu na ama ka jikai. Te vi jin nui, te ndasama rin ñunee ja na yeꞌe, te ndasaꞌa ndaa rin ichi ja ni ndee ni nana ni kaa, te saa saꞌa rin, chi ma xndendoo ndaꞌu rin jin.

Te ja ni skunkuu ndiꞌi nagua ni kaꞌan rin ndee ama ka. Te vitna na kokaxtnoꞌo rin tnoꞌo jaa, na kokaxtnoꞌo rin nuu ron ama ka ja kokuu”, jiñaꞌa ia Dios.