Popular Bible Verses from Amsál 3

Share

Sáre dil se ḲHUDáWAND par tawakkul kar, Aur apne fahm par takya na kar: Apní sab ráhoṉ meṉ us ko pahchán, Aur wuh terí rahnumáí karegá.

Tú apní hí nigáh meṉ dánishmand na ban; ḲHUDáWAND se ḍar aur badí se kanára kar

Apne mál se aur apní sárí paidáwár ke pahle phaloṉ se ḲHUDáWAND kí ta‘zím kar: Yúṉ tere khatte ḳhúb bhare raheṉge, Aur tere hauz nayí mai se labrez hoṉge.

Shafaqat aur sachcháí tujh se judá na hoṉ: Tú un ko apne gale ká tauq banáná; Aur apne dil kí taḳhtí par likh lená

Ai mere beṭe, ḲHUDáWAND kí tambíh ko haqír na ján; Aur us kí malámat se bezár na ho: Kyúṉki ḲHUDáWAND usí ko malámat kartá hai jis se use mahabbat hai; Jaise báp us beṭe ko jis se wuh ḳhush hai.

Ai mere beṭe, merí ta‘lím ko farámosh na kar; Balki terá dil mere hukmoṉ ko máne: Kyúṉki tú in se ‘umr kí darází aur pírí Aur salámatí hásil karegá.

Mubárak hai wuh ádmí jo hikmat ko pátá hai, Aur wuh jo fahm hásil kartá hai. Kyúṉki is ká husúl chándí ke husúl se, Aur is ká nafa‘ kundan se bihtar hai. Wuh marján se ziyáda beshbahá hai, Aur terí marg̣úb chízoṉ meṉ benazír.

Bhaláí ke haqqdár se use dareg̣ na karná, Jab tere maqdúr meṉ ho.

ḲHUDáWAND ne hikmat se zamín kí bunyád ḍálí, Aur fahm se ásmán ko qáim kiyá.