Popular Bible Verses from Amsál 1

Share

ḲHUDáWAND ká ḳhauf ‘ilm ká shurú‘ hai: Lekin ahmaq hikmat aur tarbiyat kí hiqárat karte haiṉ. Ai mere beṭe, apne báp kí tarbiyat par kán lagá, Aur apní máṉ kí ta‘lím ko tark na kar

Kyúṉki nádánoṉ kí bargashtagí un ko qatl karegí, Aur ahmaqoṉ kí fárig̣u’l bálí un kí halákat ká bá‘is hogí; Lekin jo merí suntá hai wuh mahfúz hogá, Aur áfat se niḍar hokar itmínán se rahegá.

Táki dáná ádmí sunkar ‘ilm meṉ taraqqí kare; Aur fahím ádmí durust mashwarat tak pahuṉche

Ai mere beṭe, agar gunahgár tujhe phusláeṉ, Tú razámand na honá.

Isráíl ke bádsháh Sulaimán bin Dáúd kí amsál: Hikmat aur tarbiyat hásil karne, Aur fahm kí bátoṉ ká imtiyáz karne ke liye; ‘Aqlmandí aur sadáqat aur ‘adl, Aur rástí meṉ tarbiyat hásil karne ke liye; Sádadiloṉ ko hoshyárí, Jawán ko ‘ilm aur tamíz baḳhshne ke liye

Tab wuh mujhe pukáreṉge, lekin maiṉ jawáb na dúṉgí; Aur dil o ján se mujhe ḍhúṉḍheṉge, par na páeṉge. Is liye ki unhoṉ ne ‘ilm se ‘adáwat rakkhí, Aur ḲHUDáWAND ke ḳhauf ko iḳhtiyár na kiyá.