Par agar ḲHUDáWAND koí nayá karashma dikháe, aur zamín apná muṉh khol de, aur in ko in ke ghar bár samet nigal jáe, aur yih jíte jí pátál meṉ samá jáeṉ, to tum jánná, ki in logoṉ ne ḲHUDáWAND kí tahqír kí hai. Us ne yih báteṉ ḳhatm hí kí thíṉ, ki zamín un ke páṉwoṉ tale phaṭ gayí. Aur zamín ne apná muṉh khol diyá, aur un ko aur un ke ghar bár ko, aur Qorah ke háṉ ke sab ádmíoṉ ko, aur un ke sáre mál o asbáb ko, nigal gayí.
