Aur begáne kí aulád bhí, jinhoṉ ne apne áp ko ḲHUDáWAND se paiwasta kiyá hai ki us kí ḳhidmat kareṉ, aur ḲHUDáWAND ke nám ko ‘aziz rakkheṉ, aur us ke bande hoṉ, wuh sab jo sabt ko hifz karke use nápák na kareṉ, aur mere ‘ahd par qáim raheṉ; maiṉ un ko bhí apne koh i muqaddas par láúṉgá, aur apní ‘ibádatgáh meṉ un ko shádmán karúṉgá; aur un kí soḳhtaní qurbáníáṉ aur un ke zabíhe mere mazbah par maqbúl hoṉge; kyúṉki merá ghar sab logoṉ kí ‘ibádatgáh kahláegá.
