Popular Bible Verses from Yasa‘iyáh 49

Share

Kyá yih mumkin hai, ki koí máṉ apne shírḳhwár bachche ko bhúl jáe, aur apne rihm ke farzand par tars na kháe? háṉ, wuh sháyad bhúl jáe, par maiṉ tujhe na bhúlúṉgá.

Dekh, maiṉ ne terí súrat apní hatheliyoṉ par khod rakkhí hai; aur terí shahrpanáh hamesha mere sámne hai.

ḲHUDáWAND yúṉ farmátá hai, ki Zoráwar ke asír bhí le liye jáeṉge, aur muhíb ká shikár chhuṛá liyá jáegá: kyúṉki maiṉ us se jo tere sáth jhagaṛtá hai jhagṛá karúṉgá, aur tere farzandoṉ ko bachá lúṉgá.

háṉ, ḲHUDáWAND farmátá hai, ki Yih to halkí sí bát hai, ki tú Ya‘qúb ke qabáil ko barpá karne aur mahfúz Isráílíoṉ ko wápas láne ke liye merá ḳhádim ho: balki maiṉ tujh ko qaumoṉ ke liye núr banáúṉgá; ki tujh se merí naját zamín ke kanároṉ tak pahuṉche.

Ai ásmáno, gáo; ai zamín, shádmán ho; ai paháṛo, nag̣mapardází karo; kyúṉki ḲHUDáWAND ne apne logoṉ ko tasallí baḳhshí hai, aur apne ranjúroṉ par rahm farmáegá.