Popular Bible Verses from Yasa‘iyáh 26

Share

Jis ká dil qáim hai, tú use salámat rakkhegá; kyúṉki us ká tawakkul tujh par hai.

Abad tak ḲHUDáWAND par i‘timád rakkho: kyúṉki ḲHUDáWAND YAHOWáH abadí chaṭán hai.

Rát ko merí ján terí mushtáq hai; háṉ, merí rúh terí justjú meṉ koshán rahegí: kyúṉki jab terí ‘adálat zamín par járí hai, to dunyá ke báshinde sadáqat síkhte haiṉ.

Ai ḲHUDáWAND, tú hí ham ko salámatí baḳhshegá: kyúṉki tú hí ne hamáre sab kámoṉ ko hamáre liye anjám diyá hai.

Háṉ, terí ‘adálat kí ráh meṉ, ai ḲHUDáWAND, ham tere muntazir rahe: hamárí ján ká ishtiyáq tere nám aur terí yád kí taraf hai.

Sádiq kí ráh rástí hai: tú jo haqq hai, sádiq kí rahbarí kartá hai.

Kyúṉki us ne balandí par basnewáloṉ ko níche utárá: baland shahr ko zer kiyá, us ne use zer karke ḳhák meṉ miláyá.

Tum darwáze kholo, táki sádiq qaum jo wafádár rahí dáḳhil ho.