Popular Bible Verses from Yasa‘iyáh 19

Share

Kyúṉki RABB u’l afwáj un ko barakat baḳhshegá, aur farmáegá, Mubarak ho Misr merí ummat, Asúr mere háth kí san‘at, aur Isráíl merí mírás.

Aur wuh mulk i Misr meṉ RABB u’l afwáj ke liye nishán aur gawáh hogá; is liye ki wuh sitamgaroṉ ke zulm se ḲHUDáWAND se faryád kareṉge, aur wuh un ke liye riháí denewálá aur hámí bhejegá, aur wuh un ko riháí degá.

Misr kí bábat bár i nubuwwat. Dekho, ḲHUDáWAND ek tezrau bádal par sawár hokar Misr meṉ átá hai, aur Misr ke but us ke huzúr larzán hoṉge, aur Misr ká dil pighal jáegá.

Us waqt mulk i Misr ke wasat meṉ ḲHUDáWAND ká ek mazbah, aur us kí sarhadd par ḲHUDáWAND ká ek sutún hogá.