Popular Bible Verses from Dáníel 6

Share

Aur jab Dáníel ne ma‘lúm kiyá ki us nawishte par dastḳhatt ho gaye, to apne ghar meṉ áyá, aur apní koṭhrí ká darícha, jo Yarúshalem kí taraf thá, kholkar din meṉ tín martaba hasb i ma‘múl ghuṭne ṭekkar Ḳhudá ke huzúr du‘á aur us kí shukrguzárí kartá rahá.

Mere Ḳhudá ne apne firishte ko bhejá, aur sheroṉ ke muṉh band kar diye, aur unhoṉ ne mujhe zarar nahíṉ pahuṉcháyá, kyúṉki maiṉ us ke huzúr begunáh sábit húá; aur tere huzúr bhí, ai bádsháh, maiṉ ne ḳhatá nahíṉ kí.

Maiṉ yih farmán járí kartá húṉ, ki merí mamlukat ke har ek súbe ke log Dáníel ke Ḳhudá ke huzúr tarsán o larzán hoṉ; kyúṉki wuhí zinda Ḳhudá hai, aur hamesha qáim hai, aur us kí saltanat lázawál hai, aur us kí mamlukat abad tak rahegí. Wuhí chhuṛátá aur bachátá hai, aur ásmán aur zamín meṉ wuhí nishán aur ‘ajáib dikhátá hai. Usí ne Dáníel ko sheroṉ ke panjoṉ se chhuṛáyá hai.

Tab bádsháh ne hukm diyá aur wuh Dáníel ko láe, aur sheroṉ kí mánd meṉ ḍál diyá: par bádsháh ne Dáníel se kahá, Terá Ḳhudá, jis kí tú hamesha ‘ibádat kartá hai, tujhe chhuṛáegá.