Popular Bible Verses from 2 Salátín 2

Share

Aur jab wuh pár ho gaye, to Íliyáh ne Ilísha‘ se kahá, ki Is se peshtar ki maiṉ tujh se le liyá jáún, batá ki maiṉ tere liye kyá karúṉ. Ilísha‘ ne kahá, Maiṉ terí minnat kartá húṉ, ki terí rúh ká dúná hissa mujh par ho.

Aur wuh áge chalte, aur báteṉ karte játe the, ki dekho ek átashí rath aur átashí ghoṛoṉ ne un donoṉ ko judá kar diyá: aur Íliyáh bagole meṉ ásmán par chalá gayá.

Us ne kahá, Tú ne mushkil suwál kiyá: taubhí agar tú mujhe apne se judá hote dekhe, to tere liye aisá hí hogá; aur agar nahíṉ, to aisá na hogá.

Aur us ne Íliyáh kí chádar ko jo us par se gir paṛí thí lekar pání par márá, aur kahá, ki ḲHUDáWAND Íliyáh ká Ḳhudá kaháṉ hai? aur jab us ne bhí pání par márá, to wuh idhar udhar do hisse ho gayá, aur Ilísha‘ pár húá.

Ilísha‘ yih dekhkar chilláyá, Ai mere báp, mere báp, Isráíl ke rath, aur us ke sawár! Aur us ne use phir na dekhá: so us ne apne kapṛoṉ ko pakaṛkar pháṛ ḍálá, aur do hisse kar diyá.

Aur Íliyáh ne apní chádar ko liyá, aur use lapeṭkar pání par márá, aur pání do hisse hokar idhar udhar ho gayá; aur wuh donoṉ ḳhushk zamín par hokar pár gaye.

Aur jab ḲHUDáWAND Íliyáh ko bagole meṉ ásmán par uṭhá lene ko thá, to aisá húá, ki Íliyáh Ilísha‘ ko sáth lekar Jiljál se chalá.